10 oylab yerga qo‘nmaydigan qushlar borligi aniqlandi

  • 11:26 / 28.10.2016
  • 8167

Shved olimlarining yangi tadqiqoti jarqaldirg‘ochlarning 10 oylab yerga qo‘nmasdan parvoz qilishi mumkinligini ko‘rsatdi. Ular havoning iliq oqimlarida muvozanatni ushlab, energiyani saqlab qoladi va katta balandlikdan pastlashni rejalashtirayotib, uxlab olishadi. Tadqiqot Current Biology jurnalida chop etilgan. 

Lund universiteti olimlari jarqaldirg‘ochlarning Markaziy Afrikaga migratsiyasini kuzatib, 19 qushdan uchtasi biror marta yerga qo‘nmaganini aniqlashdi. Qolganlari favqulodda holatlardagina - masalan, noqulay ob-havoda vaqtinchalik parvozni to‘xtatgan.

Tadqiqotning yetakchi muallifi Andres Xendenstorm bu haqida shunday deydi: "Jarqaldirg‘ochlarning zarurat tug‘ilmaganda 10 oylab parvoz qilishi mumkinligi aqlga sig‘maydi. Energiya sarflash va hayot davomiyligi o‘rtasida bog‘liqlik mavjud: tez yashasang - yosh o‘lasan. Biroq bu qushlar uzoq  - 20 yilgacha yashaydi, shunday ekan, ular qoidadan mustasno hisoblanadi".