Britaniya tashqi ishlar vaziri Liz Trass agar mamlakat tinchiligiga jiddiy havf paydo bo‘lsa va  vaziyat shunga taqazo qilsa, yadro qurolidan foydalanishga tayyor ekanini aytdi.

“Menimcha, bu bosh vazirning muhim burchi. Men buni bajarishga tayyorman”, — deydi u Birmingemdagi Konservativ partiya a’zolari bilan uchrashuvda , agar Buyuk Britaniyaga tahdid tug‘ilsa, yadro qurolidan foydalanish imkoniyati haqidagi savolga javob berarkan.

Ma’lumot uchun, 2022-yil 7-iyul kuni 2019-yilda Tereza Mey o‘rniga kelgan Buyuk Britaniya bosh vaziri Boris Jonson bosh vazir va Konservativ partiya rahbari lavozimidan ketishini e’lon qildi. Bunga sabab, karantin davrida yashirin tadbirlar o‘tkazish va jinsiy janjal bilan bog‘liq vaziyatlar ekani ta’kidlangan.

Hozirda Liz Trass va Rishi Sunak 2022-yil 20-iyul kuni Buyuk Britaniya bosh vaziri “kreslosi” uchun kurashning so‘nggi bosqichiga chiqishdi. Oxirgi turda g‘olibni Konservativ partiyaning barcha a’zolari tanlaydi, ularning soni bugungi kunda 200 mingga yaqin. Ovoz berish pochta orqali amalga oshiriladi. Natijalar 5-sentabrda e’lon qilinishi kutilmoqda.

• Liz Trass