Bugun, 8-noyabr kuni Xalq deputatlari Navoiy viloyati Kengashining navbatdan tashqari sessiyasi bo‘lib o‘tdi.
Avvalroq maʼlum qilinganidek, unda tashkiliy masala ko‘rildi va shu kunga qadar viloyat hokimi vazifasida ishlab kelgan Qobul Tursunov o‘z vazifasidan ozod qilindi.
Prezidentining tegishli farmoni bilan Viloyat hokimi vazifasini bajaruvchi etib Toshkent shahar davlat soliq boshqarmasi boshlig‘i lavozimida ishlab kelgan Normat Tursunov tayinlandi.
Normat To‘lqinovich Tursunov soliq tizimidagi mehnat faoliyatini 1994-yilda Uchtepa tumanida soliq inspektori vazifasidan boshlagan. 2010-2017-yillarda Jizzax viloyati Davlat soliq boshqarmasi boshlig‘i o‘rinbosari, birinchi o‘rinbosar vazifalarida shuningdek, Navoiy viloyati Davlat soliq boshqarmasi boshlig‘i lavozimlarida ishlab kelgan.
2018-yil 5-iyun kunidagi Prezidentning tegishli qarori bilan 2017-yil oktyabr oyidan DSQ raisi o‘rinbosari lavozimida ishlab kelgan Normat Tursunov Tokshkent shahar Davlat soliq boshqarmasi boshlig‘i etib tayinlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!