Xabaringiz bor, viloyat hududida sovuq ob-havo sharoiti saqlanib qolayotganidan kelib chiqib, Surxondaryo viloyatidagi mavjud barcha darajadagi ta’lim muassasalarida ta’lim-tarbiya jarayonlari 18-yanvardan boshlanishi belgilangan edi.

Biroq joriy haftada ham ob-havoda pasayish kuzatilayotganligi, shuningdek, ota-onalarning talab va istaklarini inobatga olib, viloyatdagi maktabgacha, maktab va professional ta’lim muassasalari, Prezident, ijod va ixtisoslashtirilgan maktablar, oliy o‘quv yurtlarida qishki ta’til 22-yanvarga qadar uzaytirildi. Bu haqda viloyat hokimligi matbuot xizmati xabar berdi.

O‘quv mashg‘ulotlari 23-yanvar, dushanba kunidan boshlanadi.

• Oliy ta'lim
• Surxondaryo