2018 yilga nazar: Dunyoning eng baland va yangi osmono‘par binolari

  • 04:56 / 14.03.2017
  • 17444

Bugun e'tiboringizga 2018 yilda qurib bitkazilishi rejalashtirilgan osmono‘par binolarni havola etamiz. 

10. Skyfame Center Landmark Tower (528 metr) – Nannin, Xitoy

Mazkur minora 108 qavatdan iborat bo‘lib, 2021 yilda to‘liq qurib bitkaziladi. Hozirda loyihachilar va ishlab chiqaruvchilar bino haqida boshqa hech qanday ma'lumot taqdim etayotgani yo‘q. 

 

9. China Zun Tower (528 metr) – Pekin, Xitoy

Yana bir Xitoy minorasi Pekinning markaziy ishbilarmonlar hududida qad rostlaydi. U xalqaro Farrel arxitektura tajribasi asosida qurilmoqda. Uning ichida asosan idora muassasalari, tomosha maydonlari, xususiy klublar, shuningdek, eng yuqori qismida eng qimmat ijara haqiga ega joylar bo‘ladi. Minora Xitoydagi eng baland binoga aylanadi. Yer qimirlashi xavfi bo‘lgan hududdagi eng osmono‘par minora ham aynan China Zun Tower bo‘ladi. Ichida po‘lat bo‘lgan beton va monolit beton binoni barqaror ushlab turishni ta'minlab beradi. Minora 2018 yilda foydalanishga topshiriladi. 

 

8. Tianjin CTF Finance Centre (530 metr) – Tyanszin, Xitoy

97 qavatli osmono‘par bino Chikagoda joylashgan Skidmore, Owings & Merrill (SOM) Amerika kompaniyasi tomonidan loyixalashtirilgan bo‘lib, mualliflar LEED (Leadership in Energy and Environmental Design) bo‘yicha “Oltin” unvonini olishni maqsad qilishgan. Silliq egilgan minora yuqori – unumdorlikka ega yuza bilan qoplangan bo‘ladi va bu esa kunduzgi yorug‘lik o‘tkazilishini optimallashtiradi, minoraga bo‘lgan shamol ta'sirini kamaytiradi. Bino qurilishi 2018 yilda tugatilishi kutilmoqda.

 

7. Lotte World Tower (554.5 metr) – Seul, Janubiy Koreya

Bu bino Janubiy Koreyaning ro‘yxatdagi yagona minorasi hisoblanadi. Uning ustki qismi bo‘yicha ishlar yakunlanib bo‘ldi va shu yilning kuz faslida ochilishi kutilmoqda. 123 qavatli bino mamlakatning eng baland minorasi va hozirgi kunga kelib dunyodagi beshinchi hisoblanadi. Bino ofis va mehmonxona sifatida foydalaniladi.

 

6. Global Financial Center Tower 1 (568 metr) – Shenyan, Xitoy

Xitoyning 114 qavatli osmono‘par binosi Britaniyaning “Atkins” xalqaro kompaniyasi tomonidan loyihalashtirilgan. Binodan ofis sifatida foydalanish rejalashtirilgan bo‘lib, uning eng yuqori qismida esa g‘ayritabiiy avto shourumi joylashtiriladi. Minora Xitoyning sanoat va tarixiy jihatdan muhim shahrining markaziy qismiga aylanishi rejalashtirilgan va uning ochilishi 2018 yilga mo‘ljallangan. 

 

5. Goldin Finance 117 (596.5 metr) – Tyanszin, Xitoy

Ha bu Tianjinning ro‘yxatdagi ikkinchi osmono‘par binosi hisoblanadi. 128 qavatli minoraning tuzilmasi oxirigacha ko‘tarilgan bo‘lib, 2018 yilda qurib bitkazilishi va ochilishi rejalashtirilgan. Aralash maqsadlarda foydalanish ko‘zda tutilgan bu bino Arup Group tomonidan loyihalashtirilgan va muvozanatni saqlash uchun yuqori texnologiyalardan foydalaniladi. Uning ajralib turuvchi tomonlaridan biri esa yuqorisida joylashgan olmos shaklidagi tomosha maydoni bilan ajralib turadi. 

 

4. Ping An Finance Center (599 metr) – Shenchjen, Xitoy

115 qavatli bino Kohn Pedersen Fox tomonidan loyihalashtirilgan bo‘lib, 2016 yilda ochilishi rejalashtirilgan edi. Minora ofis, mehmonxona va tijorat maydoni, va shuningdek tomosha maydoniga ham ega bo‘ladi. 

 

3. Merdeka PNB118 (630 metr) – Kuala-Lumpur, Malayziya

Ro‘yxatimizning eng yuqori uchtaligiga ham yetib keldik. 118 qavatli minora Avstraliyaning Fender Katsalidis Architecs kompaniyasi tomonidan loyihalashtirilgan. 2020 yilda ochilishi rejalashtirilgan bino, Malayziyaning eng baland minorasi bo‘ladi va Petronas minoralaridan bu nomni olib qo‘yadi. 

 

2. Wuhan Greenland Center (636 metr) – Uxan, Xitoy

2018 yilda ochilishi rejalashtirilgan minoralardan biri. 2018 yil mo‘jizalar yili bo‘lishi ko‘rinmoqda. Amerikaning Adrian Smith + Gordon Gill Architecture kompaniyasi tomonidan loyihalashtirilgan bo‘lib, Burj Xalifa minorasi kabi kuchli shamolga chidamli bo‘lishi uchun shtativ shaklda quriladi. 

Ro‘yxatdan ko‘rinib turibdiki, ungi Xitoy boshchilik qilmoqda. Ammo birinchi o‘rinda qaysi bino ekan? 

 

1.Jeddah Tower (1000 metr) – Jidda, Saudiya Arabistoni

2020 yilda qurilishi tugatiladigan dunyoning “yangi” eng baland binosi bo‘ladi va Dubayning 828 metrli osmono‘paridan o‘zib ketadi. Bino birinchi bo‘lib 1 kilometrga erishgan minora bo‘ladi. Minora Burj Xalifa minorasi muallifi Amerikalik arxitektor Adrian Smit tomonidan loyihalashtirilgan. 167 qavatli bino dunyoda yagona bo‘lgan tez yurar lift bilan jihozlanadi. Boshqalar kabi minora ofis, mehmonxona va tijorat maydoni, va shuningdek tomosha maydoniga ham ega bo‘ladi. Shunday qilib, Jidda minorasi o‘z unvonini 10 yil ushlab turgan Burj Xalifa minorasidan eng baland minora nomini tortib olmoqda. Qiziq, 10 yildan keyin Jidda minorasi ham o‘z unvonini kimgadir berib qo‘yarmikin?

Teglar