Kecha, 5-mart kuni Andijon shahrida joylashgan ko‘p qavatli uyda yong‘in sodir bo‘ldi.

Qayd etilishicha, soat 17:33 da 1-kichik daha A.Temur ko‘chasida joylashgan ko‘p qavatli uylarning birida yong‘in sodir bo‘layotganligi to‘g‘risida viloyat FVBga xabar tushgan.

Shunga ko‘ra 12 ta yong‘in-qutqaruv ekipaji soat 17:36 da voqea joyiga yetib borib, soat 18:26 da yong‘in to‘liq bartaraf etilgan.

Hodisa oqibatida uyning taxminan 250 kv.m. maydonida tom qismi yonib zararlangan bo‘lsa, 300 kv.m. maydoni yong‘indan saqlab qolingan.

Yong‘in oqibatida hech kim tan jarohati olmagan. Hozirda hodisa sababi va moddiy zarar miqdori aniqlanmoqda.