UzAuto Motors kompaniyasi 2022-yilning yozidan Tracker’ni ishlab chiqarishni yo‘lga qo‘yadi. Oldinroq Asakadagi avtozavodda mazkur mashinaning birinchi test versiyasi ishlab chiqarilgan.
“Hozirda konveyerni sozlash va avtomobillarni testdan o‘tkazish jarayonlari ketmoqda”, — deyiladi kompaniya xabarida.
“Gazeta”ning ma’lum qilishicha, avtomobil modeli Global Emerging Markets (GEM) yagona byudjet platformasida kichik uzelli yig‘ish usulida ishlab chiqariladi. Mahalliylashtirish darajasi kamida 50 foiz bo‘lishi kutilmoqda.
“Ammo biz ushbu ko‘rsatkichni oshirib boramiz”, – deydi ishlab chiqaruvchilar.
Ishlab chiqarish hajmi yiliga kamida 80 ming avtomobilni tashkil etishi aytilmoqda. Hozircha mahalliy ishlab chiqarilgan avtomobillar narxi tayyor holda import qilinadigan Tracker modelidan qanchalik farq qilishi ma’lum qilinmagan.
“Avtomobilning haqiqiy narxi haqida faqatgina tannarxi aniq bo‘lgach, gapirish mumkin. So‘nggi yillarda bunga logistika va import qilinadigan mikrochiplarni ishlab chiqarish bilan bog‘liq vaziyat katta ta’sir ko‘rsatmoqda”, – deyiladi kompaniya xabarida.
Ma’lumotlarga ko‘ra, Chevrolet Onix va Tracker bitta platformada yig‘iladi.
UzAuto Motors’ning Asakadagi zavodida yangi platformani joriy etish dasturi doirasida qo‘shimcha tarzda yana 500 nafarga yaqin xorijiy mutaxassis jalb qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!