Avval xabar berilganidek, taekvondo WT boʻyicha Oʻzbekiston terma jamoasi Niderlandiyaning Eyndxoven shahridada oʻtkazilgan “Dutch open” musobaqasida 3 ta oltin va 2 ta bronza medallarini qoʻlga kiritdi.

Bahslarda Jasur Jaysunov (-74 kg), Shuhrat Salayev (-80 kg) va Nikita Rafalovich (-87 kg) oltin medalga sazovor boʻlishdi.

Yangi vazn toifasida ikkinchi bor ishtirok etgan Ulugʻbek Rashitov (-74 kg) va Svetlana Osipova (+73 kg) bronza medali sohibiga aylandi. Qayd etish joiz, -74 kg vazn toifasining yarim finalida Jaysunov hamda Rashitov oʻzaro toʻqnash kelishgan.

Oltin medal:

-74 kg: Jasur Jaysunov

-80 kg: Shuhrat Salayev

-87 kg: Nikita Rafalovich

Bronza medal:

-74 kg: Ulugʻbek Rashitov

+73 kg: Svetlana Osipova

Maʼlumot oʻrnida, endi terma jamoamiz 18–19-mart kunlari oʻtadigan “Belgian Open” musobaqasida ishtirok etadi.

• Niderlandiya
• O‘zbekiston
• Taekvondo