Xitoyning Sichuan shahridagi hayvonot bog‘i e’tirozga uchradi, chunki u yerda yashovchi leopard ortiqcha vazni bilan jamoatchilik e’tiborini tortgan.

Ba’zilar yirtqichni tyulen deb mazaxlashdi, boshqalar esa “baqaloq mushuk” deya sog‘lig‘i haqida qayg‘urishdi. Bu barcha shikoyatlardan so‘ng hayvonot bog‘i xodimlari leopard ozishi kerak, degan qarorga kelishdi. Ammo ikki oy o‘tgach, barcha urinishlar muvaffaqiyatsizlikka uchradi. Leopard qo‘shimcha sayr qilish uchun to‘siq maydoni kengaytirilganiga, ovqatlanish jadvali o‘zgartirilganiga va qat’iy parhez belgilanganiga qaramay, umuman vazn yo‘qotmagan.

Shunday qilib, hayvonot bog‘i 16 yoshli leopard o‘zgarish uchun juda qari, shu sababli uni tinch qo‘yish kerak, degan xulosaga kelishgan.

• Xitoy