Kecha, 11-may kuni soat 01:01 da A-373 “Toshkent-O‘sh” avtomobil yo‘lining Qamchiq dovonidan o‘tgan qismida “Vodiy-Toshkent” yo‘nalishida harakatlangan ISUZU rusumli yuk avtomobil haydovchisi boshqaruvni yo‘qotishi oqibatida yo‘lning xandaq (kyuvet) qismiga tushib ketganligi va haydovchi hamda 1 nafar yo‘lovchi mashina kabinasiga qisilib qolganligi to‘g‘risida “Qamchiq” maxsus-qidiruv yong‘in-qutqaruv boshqarmasiga xabar kelib tushgan.

Xabarga asosan, qutqaruv otryadi aytilgan manzilga zudlik bilan yetib borgan. Qutqaruvchilarning tezkor harakatlari natijasida 2 nafar fuqarolar qutqarilib, tez tibbiy yordam xodimlariga topshirilgan, shuningdek xandaqqa tushib ketgan yuk avtomobili xavfsiz hududga olib chiqilgan.

• Avtohalokat
• Qamchiq