AQSh rahbari bu haqda Yevrokomissiya rahbari Ursula fon der Lyayen bilan telefon orqali muloqotdan so‘ng e’lon qildi.

Qo‘shma Shtatlar prezidenti Truth Social ijtimoiy tarmog‘ida 1-iyundan kuchga kirishi kerak bo‘lgan Yevropa Ittifoqi mahsulotlariga qo‘shimcha import bojlari 9-iyulgacha kechiktirilganini yozdi.

Trampning bayonotidan sal oldin Yevrokomissiya rahbari Ursula fon der Lyayen ham Tramp bilan “yaxshi telefon suhbati” bo‘lgani haqida ma’lum qildi.

“Yevroittifoq va Qo‘shma Shtatlarni dunyodagi eng muhim va yaqin savdo munosabatlari bog‘laydi. Yevropa muzokaralarni tez va qat’iy shaklda olib borishga tayyor. Ijobiy kelishuvga erishish uchun 9-iyulgacha vaqt kerak”, — deb yozdi der Lyayen X platformasida.

Tramp, shuningdek, mamlakatda to‘qimachilik sanoatini qayta tiklashga qiziqmasligini aytdi.

“Ochig‘ini aytsam, men futbolka yoki paypoq ishlab chiqarishni rivojlantirmoqchi emasman. Biz chiplar, kompyuterlar, shuningdek, tanklar va kemalar ishlab chiqaramiz”, — dedi u.

• AQSh
• Davlat boji
• Tramp
• Yevropa Ittifoqi