2025-yilning may oyida O‘zbekistonda yillik inflyatsiya 8,7 foizni tashkil etdi. Bu ko‘rsatkich aprel oyidagi 10,1 foizga nisbatan 1,4 foizga past. Oylik inflyatsiya esa 1,5 foizni tashkil etdi. Bu haqda Milliy statistika qo‘mitasi xabar berdi.

“2025-yil may oyidan boshlab, aholi iste’moli uchun elektr energiyasi va tarmoq gazi uchun yangilangan tariflar joriy qilindi. Respublika bo‘yicha elektr energiyasi narxi o‘rtacha 18,8 foizga, tarmoq gaz esa 39,2 foizga oshishi kuzatildi”, — deyiladi Milliy statistika qo‘mitasi xabarida.

Yil boshidan buyon eng katta narx o‘sishi xizmatlar sohasida kuzatildi — bu yo‘nalishda INI 9,8 foizni tashkil etdi. Xususan, transport, aloqa va ko‘ngilochar xizmatlar narxi oshgan.

• Inflyatsiya
• O‘zbekiston