“Kechirasizlar, lekin men boshqa chiday olmayman. Ushbu ulkan va g‘azabni keltiruvchi xarajatlar haqidagi qonun loyihasi jirkanchlikdir. Bu mazkur hujjat uchun ovoz berganlarning barchasi uchun sharmandalik, siz to‘g‘ri qilmaganingizni yaxshi bilasiz”, — deb yozdi amerikalik ishbilarmon X ijtimoiy tarmog‘ida.

Yaqinda Hukumat samaradorligi departamenti (DOGE) rahbarligi lavozimini tark etgan Maskning so‘zlariga ko‘ra, ushbu qonun loyihasi shundoq ham ulkan bo‘lgan byudjet taqchilligini 2,5 trln dollargacha oshiradi va AQSh fuqarolari uchun og‘ir yuk bo‘ladi.

Prezident tomonidan qo‘llab-quvvatlanayotgan qonun loyihasida chegara xavfsizligi va armiya uchun xarajatlarni oshirish, Tramp 2017-yilda imzolagan soliq imtiyozlarini uzaytirish va davlat qarzi chegarasini 4 trln dollargacha ko‘tarish ko‘zda tutilgan.

Oq uy matbuot kotibi Kerolayn Livitt prezident Donald Tramp Ilon Maskning pozitsiyasidan xabardor ekanini, biroq bu uning qonun loyihasiga bo‘lgan munosabatiga ta’sir qilmasligini ta’kidlagan.

• Byudjet
• Ilon_Mask
• Tramp