Vatikan 4-iyun kuni Rim papasi Lev XIV va Rossiya prezidenti Vladimir Putin o‘rtasida telefon orqali suhbat bo‘lib o‘tganini ma’lum qildi. Bu suhbat haqida Kreml ham xabar bergan edi.

“Telefon suhbati davomida o‘zaro qiziqish uyg‘otadigan masalalar bilan bir qatorda, Ukraina va tinchlik masalalariga alohida e’tibor qaratildi. Papa Rossiyani tinchlikka hissa qo‘shuvchi qadamlarni tashlashga chaqirdi va tomonlar o‘rtasida konstruktiv aloqa hamda mojaroni hal etish yo‘llarini izlashda muloqot muhimligini ta’kidladi”, — deyiladi Vatikan hukumati matbuot xizmati xabarida.

Xabar berilishicha, suhbat chog‘ida, shuningdek, Rossiya va Ukraina o‘rtasida mahbuslar almashinuvi va gumanitar vaziyat ham muhokama qilingan.

• Putin
• Rim papasi
• Rossiya
• Ukraina