“BRICSning antiamerika siyosatiga qo‘shilgan har qanday mamlakat uchun qo‘shimcha 10 foizlik savdo tarifi joriy qilinadi. Bu siyosatda hech qanday istisno bo‘lmaydi!” — deb yozdi Tramp o‘zining Truth Social ijtimoiy tarmog‘ida.

Bundan bir necha soat oldin BRICS davlatlari sammitida Trampning boj to‘lovlarini tanqid qilingan edi. Rio-de-Janeyroda bo‘lib o‘tayotgan sammit deklaratsiyasida “savdo munosabatlarini buzuvchi va JST qoidalariga zid bo‘lgan bir tomonlama tarif va notarif choralarning ko‘payayotganidan jiddiy xavotir” bildirilgan. Hujjatda AQSh yoki uning prezidenti to‘g‘ridan-to‘g‘ri tilga olinmagan.

Ma’lumot uchun, hozirda BRICS tarkibiga Braziliya, Rossiya, Hindiston, Xitoy, Janubiy Afrika Respublikasi, Eron, Misr, Efiopiya va Birlashgan Arab Amirliklari va Indoneziya davlatlari kiradi. Bugungi kunda mazkur blokka kiruvchi mamlakatlarda dunyo aholisining qariyb yarmi yashaydi va ularning umumiy iqtisodiy hajmi jahon iqtisodiyotining 40 foiziga yetgan.

• AQSh
• Davlat boji
• Tramp