O‘zbekistonda 7−11-iyul kunlari havo harorati asta-sekin pasayadi va 31-38 daraja issiq atrofida bo‘ladi. Farg‘ona vodiysi viloyatlarida qisqa muddatli yomg‘ir yog‘ishi ehtimoli ham bor.

“O‘tgan hafta respublika bo‘yicha kuzatilgan kuchli jaziramadan so‘ng, 7−11-iyul kunlari O‘zbekiston hududi bo‘yicha havo harorati asta-sekin pasayishi kutilmoqda”, – deya xabar berdi “O‘zgidromet”.

Havo harorati dushanba kunduzi 36-41 daraja issiqni, 8–9-iyul kunlari 33-38 daraja issiqni, 10–11-iyulda 31-36 daraja issiqni tashkil etadi. O‘zbekiston janubida ham harorat pasayadi va ish haftasining oxiriga kelib harorat 37-40 darajagacha pasayadi.

Respublika hududining katta qismida yog‘ingarchilik kutilmaydi. Faqat Farg‘ona vodiysi viloyatlarida, shuningdek, tog‘oldi va tog‘li hududlarda 9–10-iyul kunlari qisqa muddatli yomg‘ir yog‘ishi ehtimoli bor.

Respublika bo‘yicha ba’zi joylarda shamol tezligi 13−18 metr/soniyagacha kuchayishi, chang-to‘zonlar kuzatilishi mumkin.

Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. 8–9-iyulda 35-38 daraja issiq, 10–11-iyulda 32-37 daraja issiq bo‘ladi.

• Ob-havo
• O‘zgidromet
• issiq havo