Bugun Qirg‘iziston Prezidenti Sadir Japarov rasmiy-amaliy davlat tashrifi bilan Tojikistonga keldi. Oliy martabali mehmonni Dushanbe xalqaro aeroportida shaxsan Emomali Rahmonning o‘zi kutib oldi. Muzokaralarning asosiy qismida ikki davlat rahbarlari asosan muammoli masala bo‘lib turgan chegaralardagi vaziyat muhokama qilindi.  

Emomali Rahmon chegarani delimitatsiya qilish jarayonining muvaffaqiyatli yakunlanishiga umid bildirib, demarkatsiya qilish ishlarini yangi bosqichga ko‘tarishga harakat qilishini ta’kidlab o‘tdi.
Shuningdek, xavfsizlik sohasida yaqin hamkorlik muhimligini ta’kidlab, Sadir Japarov bilan hamkorlik istiqbollarini, dolzarb xalqaro va mintaqaviy masalalarni muhokama qilishga tayyorligini bildirdi.

Qirg‘iziston prezidentining aytishicha, Tojikiston bilan chegarani delimitatsiya qilish jarayonini yakunlash nafaqat ikki mamlakatda, balki butun mintaqada xavfsizlik va barqarorlikni ta’minlash uchun muhim qadam bo‘ldi. U qolgan bahsli hududlarni ham demarkatsiya qilish jarayoni tez orada yakunlanishiga ishonch bildirdi.

• Chegara
• Emomali Rahmon
• Qirg‘iziston
• Sadir Japarov
• Tojikiston