“Hududgaz Poytaxt” gaz ta’minoti filiali komplayens nazorat tuzilmalari tomonidan tabiiy gazdan noqonuniy foydalanish holatlarini aniqlashga qaratilgan reydlar davomida Toshkent shahar Bektemir tumani “Oltintopgan” MFYdagi xonadonlarning birida tabiiy gazdan noqonuniy foydalanish holati fosh etildi. Fuqaro gaz ta’minoti tashkiloti bilan shartnoma imzolamasdan tijorat maqsadida konserva mahsulotlarini tayyorlash uchun tabiiy gazdan o‘zboshimchalik bilan foydalanib kelayotgani aniqlangan.

Holat yuzasidan tegishli tartibda dalolatnoma tuzilib, xonadon gaz tarmog‘idan uzilgan. Dastlabki hisob-kitoblarga ko‘ra, ushbu noqonuniy faoliyat orqali tizimga 2 milliard 731 million so‘mlik zarar keltirilgan.

Hozirda holatga tegishli barcha hujjatlar huquqni muhofaza qiluvchi organlarga yuborilgan.

• Gaz
• Qoidabuzarlik