2025-yil 19-iyuldan 18-avgustga qadar Sergeli tumani Obihayot ko‘chasida issiq suv quvurlarini almashtirish ishlari olib borilishi munosabati bilan, mazkur ko‘chada avtotransport vositalari harakati vaqtincha cheklanadi. Bu haqda Toshkent shahar transport va yo‘l-transport infratuzilmasini rivojlantirish bosh boshqarmasi axborot xizmati xabar berdi.

Shu davr mobaynida ayrim avtobus yo‘nalishlari harakati quyidagicha o‘zgartiriladi:

– 184-sonli yo‘nalish harakati Sergeli Yarmarka bekatigacha qisqartiriladi;

– 40 va 143-sonli yo‘nalishlar harakati Yangi Sergeli yo‘li – So‘g‘diyona – Jaloyir – Obihayot (yopilmagan qismi) ko‘chalari orqali vaqtincha o‘zgartiriladi.

“Yuzaga keladigan noqulayliklar uchun uzr so‘raymiz. Harakat rejalaringizni ushbu o‘zgarishlarni inobatga olgan holda tuzishingizni tavsiya qilamiz”, – deyiladi xabarda.

• Sergeli
• Toshkent
• Yo‘l-qurilish