Yaqin kelajakda Isroil Iordaniya va BAAga G‘azo sektori aholisiga gumanitar yordamni parashyut bilan tushirishga ruxsat beradi. Bu haqda Falastin hududlarida fuqarolik masalalari bilan shug‘ullanadigan Isroil armiyasining maxsus bo‘linmasi vakili ma’lum qildi.

Oziq-ovqatni bu tarzda yetkazish berishni o‘tgan yili AQSh va Buyuk Britaniya harbiylari Iordaniya, Misr va Fransiya bilan hamkorlikda boshlab bergan edi.

HAMAS tashkiloti vakillari, G‘azo sektori aholisi, shuningdek, ko‘plab xorijiy rahbarlar va inson huquqlari tashkilotlari ko‘p oylar davomida Isroilning oziq-ovqat ta’minotini cheklaydigan harakatlari tufayli G‘azo aholisi ommaviy ochlik xavfi ostida ekanligini aytib keladi.

Isroil esa, bu ayblovlarni doimiy rad etib keladi va oziq-ovqatni xavfsiz ravishda urush zonasiga kirishini ta’kidlaydi.

• Falastin
• Isroil
• Urush
• oziq-ovqat