Rasmiylarga ko‘ra, 2025-yil boshidan buyon o‘zbekistonlik ayollar uchun 41 051 ta himoya orderi berilgan. 512 nafar ayol va ularning 709 nafar farzandi reabilitatsiya va moslashish markazlariga joylashtirildi.

Ijtimoiy himoya milliy agentligi matbuot xizmatining ma’lum qilishicha, O‘zbekistonda 2025-yilning birinchi yarmida ta’qib va zo‘ravonlikdan jabr ko‘rgan ayollar uchun 41 051 ta himoya buyrug‘i chiqarilgan.

“Inson” ijtimoiy xizmat ko‘rsatish markazlari tomonidan zo‘ravonlikka uchragan 11 ming 914 nafar ayolga kunduzi ijtimoiy xizmat ko‘rsatilgan. Shuningdek, birlamchi qo‘llab-quvvatlash punktlarida 4006 nafar ayolga ijtimoiy yordam ko‘rsatilgan.

512 nafar ayol va ularning 709 nafar farzandi reabilitatsiya va moslashish markazlariga joylashtirilib, ularga zarur ijtimoiy xizmatlar ham ko‘rsatilganligi ma’lum qilindi.

• Ayollar
• Ijtimoiy himoya