“Ijtimoiy tarmoqlarda noma’lum fuqaro Chilonzor tumanida jamiyatda yurish-turish qoidalarini qasddan mensimasdan harakatlanib yurganligi aks etgan video tarqalib turli muhokamalarga sabab bo‘lmoqda. Mazkur holat yuzasidan quyidagilarni ma’lum qilamiz.

Joriy yilning 7 avgust kuni Chilonzor tumani, 19-mavze hududida, 2006 yilda tug‘ilgan A.A., yalang‘och holda jamoat joyida harakatlanib, fuqarolarning haqli e’tirozlariga sabab bo‘lgan. Hududiy profilaktika inspektori tomonidan ushbu fuqaro mast holatda ko‘p qavatli uylar oldidagi o‘rindiqda uxlab yotganligi aniqlangan.

Mazkur holat yuzasidan A.A,ga nisbatan O‘zbekiston Respublikasi Ma’muriy javobgarlik to‘g‘risidagi kodeksining 183-moddasi (“Mayda bezorilik”) alomatlari bilan ma’muriy bayonnoma rasmiylashtirilgan. To‘plangan hujjatlar qonuniy chora ko‘rish uchun Jinoyat ishlari bo‘yicha tuman sudiga yuborilgan” – deyiladi rasmiy bayonotda.

• IIB
• IIBB
• IIV
• Jinoyat