Trampning so‘zlariga ko‘ra, Vashington “shafqatsiz to‘dalar va qonxo‘r jinoyatchilar tomonidan qo‘lga olingan”, u esa shaharni “har qachongidan ko‘ra xavfsizroq va chiroyliroq” qilmoqchi. U o‘z qarorini “AQSh poytaxtini ozod qilish” deb atagan.

“Qo‘shma Shtatlar rahbari, shuningdek, Kolumbiya okrugida Milliy gvardiyaning 1000 nafargacha harbiy xizmatchisini joylashtirish imkoniyatini ko‘rib chiqmoqda. Mudofaa idorasining bir vakili va ikki amerikalik amaldorning so‘zlariga ko‘ra, dushanba kuniyoq tegishli bayonot berishi mumkin”, – deb yozmoqda NBC.

Vashington meri Bauzer Prezidentning so‘zlarini rad etgan. Bauzerga ko‘ra, poytaxtda jinoyatchilik o‘sishi kuzatilmayapti.

Reuters’ning qayd etishicha, Donald Trampning bu qarori uning demokratlarni qo‘llab-quvvatlovchi shaharlarga zarba berish va mahalliy hokimiyat vakolatlariga aralashish uchun navbatdagi urinishi bo‘lishi mumkin.

• AQSh
• Milliy gvardiya
• Poytaxt
• Qaror
• Tramp