Ma’lumotlarga ko‘ra, Berlindagi Brandenburg darvozalari yonida Germaniyaning Jabr ko‘ruvchi xalqlarni himoya qilish jamiyati va ukrain huquq himoyachilari aksiya o‘tkazgan. Chiqishlar Putin va Trampning Alyaskadagi sammiti oldidan bo‘lib o‘tgan.

Aksiyada AQSh va Rossiya prezidentlari niqobidagi faollar “kelishuv” sahnasini namoyish etishgan. Go‘yoki Vashington Qrimning Rossiya tomonidan anneksiyasini tan oladi.

Aksiya tashkilotchilaridan Sara Raynke “Trampning Ukraina hisobiga tuzgan tezkor bitimi faqat Putinga foyda keltiradi”, – dedi.

Uning so‘zlariga ko‘ra, ukrain hududidan voz kechish qurbonlar xotirasiga xiyonat bo‘lib, okkupatsiyadagi aholini Rossiya hukmronligi qo‘lida qoldiradi.

• Germaniya
• Putin
• Tramp
• Ukraina