Starlink’ning O‘zbekiston bozoriga chiqishi dastlab 2023-yilga mo‘ljallangan edi. Keyinchalik servis saytida muddat 2025-yil deb ko‘rsatildi. Lekin bu muddat ham 2026-yilga ko‘chirildi. Rejaga ko‘ra, O‘zbekistonda xizmatlar kelasi yili yo‘lga qo‘yilishi kutilmoqda.

Starlink tizimi Yerdan taxminan 550 km balandlikda joylashgan sun’iy yo‘ldoshlar orqali ishlaydi. U yuqori tezlik va past kechikish bilan internet uzatish imkonini beradi. Bu chekka hududlar aholisi uchun videoqo‘ng‘iroq, onlayn striming va turli raqamli xizmatlardan uzluksiz foydalanish imkoniyatini yaratadi. SpaceX’ning mintaqada xizmatni kengaytirishi raqamli infratuzilmani rivojlantirishda yangi bosqich bo‘lishi mumkin.

SpaceX kompaniyasining past orbital yo‘ldoshlari to‘ri orqali ishlovchi Starlink servisi 13-avgustdan Qozog‘iston aholisi uchun rasman yo‘lga qo‘yildi. Bu mamlakatning eng chekka hududlarida ham barqaror internetga ulanish imkonini bermoqda. Tariflar ikki turda taklif etilmoqda: Residential Lite oyiga 23 ming tenge (taxminan 43 dollar) bo‘lib, past ustuvorlikka ega; Residential Standart esa 31 ming tenge (taxminan 57,5 dollar) va cheksiz kirish imkoni bilan yuqori ustuvorlikni ta’minlaydi.

• Ilon_Mask
• Starlink