33°
Kechasi 20°
Hukumat qarori bilan “Bojxona hududida qayta ishlash bojxona rejimi to‘g‘risida”gi nizom tasdiqlandi.
Nizom bojxona hududida qayta ishlash bojxona rejimidan foydalanish tartibini belgilaydi.
Tovarlar bojxona hududida qayta ishlash bojxona rejimiga Bojxona kodeksi hamda qayta ishlash ruxsatnomasi asosida joylashtiriladi.
Ruxsatnoma olish uchun vakolatli shaxs Bojxona qo‘mitasining rasmiy veb-sayti orqali qayta ishlash operatsiyalari amalga oshiriladigan hududdagi bojxona organi, shuningdek maxsus turdagi tovarlarni qayta ishlash bo‘yicha Bojxona qo‘mitasiga ariza taqdim etadi.
Ruxsatnoma berish to‘g‘risidagi arizaga quyidagi hujjatlar ilova qilinadi:
– ishlab chiqarish jarayoni to‘g‘risida ma’lumot;
– vakolatli shaxs tomonidan aniqlangan qayta ishlash mahsulotlarining chiqish normasi;
– tovarni qayta ishlash mahsulotlarida identifikatsiya qilishning vakolatli shaxs tomonidan belgilangan usuli bo‘yicha ma’lumoti;
– qayta ishlash operatsiyalari uchun zarur bo‘lgan shartnomalar.
Bojxona organi ariza va unga ilova qilingan hujjatlarni 10 ish kunida ko‘rib chiqadi.
Ruxsatnoma arizada ko‘rsatilgan muddatga beriladi. Biroq ushbu muddat 2 yildan ortiq bo‘lmasligi lozim.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
