Prezident xorijiy kompaniyalarni Jorjiyadagi ICE reydidan keyin AQShning immigratsiya qonunlarini hurmat qilishga chaqirdi.

AQSh prezidenti Donald Tramp Immigratsiya va bojxona nazorati (ICE) tomonidan Jorjiyadagi Hyundai-LG zavodiga uyushtirilgan reydni izohlar ekan, xorijiy kompaniyalarni mamlakatning immigratsiya qonunchiligiga rioya qilishga va amerikaliklarni ish bilan ta’minlashga chaqirdi.

Truth Social platformasidagi bayonotida Tramp Qo‘shma Shtatlarga sarmoya kiritish ma’qul ekanini ta’kidladi, biroq “qonuniy yo‘llar” orqali ishchilarni yollash zarurligini bildirgan.

“Biz barcha xorijiy kompaniyalardan immigratsiya qonunlarimizni hurmat qilishlarini talab qilamiz. Buning evaziga sizdan amerikalik ishchilarni yollab, o‘qitishingizni kutamiz”, – deb yozgan Tramp.

5-sentyabr kuni ICE bo‘linmalari Jorjiyadagi elektr avtomobil akkumulyatorlarini ishlab chiqaruvchi korxonada keng ko‘lamli operatsiya o‘tkazgan. OAV ma’lumotlariga ko‘ra, 450 ga yaqin kishi hibsga olingan, ulardan 300 dan ortig‘i Janubiy Koreya fuqarolaridir.

Seul AQSh rasmiylarining xatti-harakatlaridan “xavotir va afsusda” ekanini bildirdi. Janubiy Koreya Tashqi ishlar vazirligi matbuot kotibi Li Chje Vun “AQShga sarmoya kiritayotgan kompaniyalarning iqtisodiy faoliyati va fuqarolarimizning huquqlari buzilmasligi kerak”, – dedi.

Janubiy Koreya prezidenti ma’muriyati mahbuslarni qaytarish bo‘yicha muzokaralar yakunlangani, zarur tartib-qoidalar tugallangach, ularni olib ketish uchun AQShga maxsus samolyot jo‘natilgani haqida xabar berdi.

• AQSh
• Tramp