Ixtisoslashtirilgan ta’lim muassasalari agentligi tizimida “Yangi O‘zbekiston” universiteti hamda Mirzo Ulug‘bek nomidagi ixtisoslashtirilgan maktab tajribasi asosida muhandislik maktablari tashkil etilmoqda.

Mazkur dargohlarda “Yangi O‘zbekiston” universiteti va Mirzo Ulug‘bek nomidagi ixtisoslashtirilgan maktab tajribasi asosida muhandis kadrlar tayyorlaydigan oliy ta’lim tashkilotlari bilan integratsiyalashgan muhandislik ta’lim dasturi joriy etiladi. Ushbu maktablar 14 ta hududda tashkil etiladi.

O‘quv jarayoni 5 yillik dastur asosida STEAM modeli bo‘yicha tashkil etiladi va dastlabki 3 yilda fizika, matematika va xorijiy til fanlariga, keyingi 2 yilda muhandislik fanlariga boshlang‘ich tayyorgarlikka e’tibor qaratiladi.

2026-yil 1-yanvardan boshlab har yili umumta’lim maktablari o‘rtasida O‘zbekiston Respublikasi Prezidenti sovrini uchun “Ilg‘or muhandislik maktabi” milliy tanlovi o‘tkaziladi.

Muhandislik maktablarining faoliyatini takomillashtirish O‘zbekistonning rivojlanishiga ko‘p qirrali hissa qo‘shadi. Birinchidan, “Yangi O‘zbekiston” universiteti va Mirzo Ulug‘bek nomidagi ixtisoslashtirilgan maktab tajribasiga asoslangan muhandislik maktablari STEAM modeli asosida yuqori malakali muhandis kadrlar tayyorlaydi.

• AOKA
• Prezident
• Ta'lim
• Videoselektor