So‘nggi yillarda ta’lim sohasida olib borilayotgan izchil islohotlarning mantiqiy davomi sifatida Ixtisoslashtirilgan ta’lim muassasalari agentligi tizimida tabiiy fanlar yo‘nalishida Abu Ali ibn Sino nomidagi ixtisoslashtirilgan maktab filiallari tashkil etilmoqda.

Toshkent shahridagi Abu Ali ibn Sino nomidagi ixtisoslashtirilgan maktab tabiiy fanlar yo‘nalishi bo‘yicha tayanch maktab hisoblanadi.

tayanch maktabning direktori va uning filiali ijrochi direktori Agentlik direktori tomonidan lavozimga tayinlanadi va lavozimdan ozod etiladi;

tayanch maktab va filiallarga rahbar kadrlarni ishga qabul qilish ikki bosqichli (saralash va suhbat), pedagog kadrlarni ishga qabul qilish uch bosqichli (saralash, test sinovi va suhbat) tanlov asosida amalga oshiriladi;

tayanch maktab va filiallarga qabul 7-sinfdan boshlanadi.

Bunda bir sinfda o‘quvchilarning eng ko‘p soni 24 nafardan oshmasligini hisobga olgan holda, qabul parametrlari Agentlik tomonidan belgilanadi.

Ushbu filiallarga o‘quvchilar tayanch maktab uchun belgilangan tartib asosida saralab olinadi. Ularga o‘quvchilar uchun turar joy hamda autsorsing asosida belgilangan tartibda bepul sog‘lom ovqatlantirish tashkil etiladi.

Abu Ali ibn Sino nomidagi ixtisoslashtirilgan maktab filiallarining tashkil etilishi O‘zbekistonda yoshlarning tabiiy fanlar bo‘yicha sifatli ta’lim olishi va iqtidorini rivojlantirishda muhim qadam bo‘lmoqda.

• AOKA
• Prezident
• Ta'lim
• Videoselektor