Tadbirkorlar bilan ochiq muloqot chog‘ida 80 ta tumanda bog‘cha ochish uchun imtiyozlar belgilanib, ushbu mexanizmdan unumli foydalanib, bog‘cha o‘rinlarini ko‘paytirish zarurligi ta’kidlandi.

Qashqadaryoning barcha tumanlarida xususiy sektor va xorijiy hamkorlar bilan ikki yil ichida bog‘cha va maktab o‘rinlari 3 barobarga oshgani qayd etildi. Viloyat hokimlariga bu tajribani o‘rganish topshirildi.

Shuningdek, har bir tumanda bog‘cha qamrovi 80 foizdan kam bo‘lmasligi shartligi belgilandi. Buning uchun viloyat va tuman hokimlari oldiga bo‘sh yerlarni topib, auksionga chiqarish, Maktubgacha va maktab ta’limi vazirligi bilan hamkorlikda qaysi maktab va bog‘chada bo‘sh joy bo‘lsa, o‘sha yerda bog‘cha qurish rejasini belgilash vazifasi qo‘yildi.

Mutaxassislarga bo‘sh yerlarda bog‘cha tashkil etish bo‘yicha xususiy sheriklik yoki sarmoya kiritish shartlari bilan uch yillik dastur qabul qilish, yangi xususiy bog‘chalarga subsidiya berish, tarbiyachilar maoshini qisman qoplash tartibini joriy etish vazifasi yuklatildi.

• Maktabgacha va maktab ta'limi vazirligi
• Shavkat Mirziyoyev
• Videoselektor