Lyuksemburg Bosh vaziri Lyuk Friden va tashqi ishlar vaziri Xaver Bettel parlament komissiyasi oldida joriy yil sentyabr oyida Falastinni rasman davlat sifatida tan olish niyati borligini ma’lum qilishdi.

Buyuk Knyazlik bu orqali ikki davlat yechimi (Isroil va Falastinning birga mavjud bo‘lishi)ni qo‘llab-quvvatlashini ta’kidladi.

Yakuniy qaror 23-sentyabrdan boshlanadigan BMT Bosh Assambleyasi davomida qabul qilinishi kutilmoqda. Bu masalada boshqa davlatlar bilan ham kelishuvlar olib boriladi.

Lyuksemburg uzoq vaqtdan beri Falastinni tan olish masalasida tortingan, ammo endi vaqti keldi, deya bayonot berildi.

Bu orada Fransiya, Buyuk Britaniya, Belgiya va Kanada kabi davlatlar Falastinni tan olishlarini rasman e’lon qilishgan.

Bu qadamlar xalqaro maydonda tinchlik, adolat va insoniylik tamoyillariga asoslangan siyosatning taraqqiyoti sifatida qaralmoqda.

• Falastin