AQSh yana bir bor BMT Xavfsizlik Kengashida G‘azo sektorida zudlik bilan va doimiy tarzda o‘t ochishni to‘xtatish hamda garovga olinganlarni ozod qilishni talab qilgan rezolyutsiyaga taqiq qo‘ydi.

AQShning Yaqin Sharq bo‘yicha vakili Morgan Ortagusga ko‘ra, rezolyutsiya matni XAMAS harakatini yetarli darajada qoralamagan va Isroilning o‘zini himoya qilish huquqini tan olmagan.

Qolgan 14 a’zo davlat rezolyutsiya tarafdori bo‘lib ovoz bergan.

Hujjatda G‘azodagi gumanitar holat “falokat darajasida” deb baholanib, Isroildan insonparvarlik yordamini to‘liq yetkazish yo‘lidagi barcha to‘siqlarni olib tashlash talab qilingan.

Bu orada BMT Gumanitar ishlari boshqarmasi ogohlantirishicha, Isroilning harbiy amaliyotlari kengaygani sari G‘azo shahridagi tinch aholi uchun so‘nggi tirikchilik manbalari ham yo‘q bo‘lmoqda.

• AQSh
• BMT