Eron oliy rahbari Oyatulloh Ali Xominaiy yadroviy qurol yaratish niyati yo‘qligini va uran boyitish faqat milliy ehtiyojlar uchun amalga oshirilayotganini bildirdi.

Eron oliy rahbari Oyatulloh Ali Xominaiy mamlakat yadroviy qurolga ehtiyoj sezmayotganini va uni yaratish niyati yo‘qligini ta’kidladi. Uning so‘zlariga ko‘ra, uran boyitishning yuqori darajasi Tehron uchun milliy ehtiyojlarni qondirishda yetarli bo‘lmoqda.

“Albatta, yadroviy qurol yaratmoqchi bo‘lgan davlatlar uranni 90 foizgacha boyitadi. Bizga qurol kerak emas va yadroviy quroldan voz kechishga qaror qilganimiz uchun bunday qadar yuqori darajada boyitishni amalga oshirmadik. Biz uranni 60 foizgacha boyitdik va bu ko‘rsatkich mamlakat oldida turgan vazifalarni hal etish uchun yetarli”, — dedi Xominaiy televideniye orqali yo‘llagan murojaatida.

Shu bilan birga, 21-sentyabr kuni Eron BMT Xavfsizlik Kengashi tomonidan mamlakatga nisbatan sanksiyalarni qayta tiklash qarori qabul qilinganidan so‘ng, Atom energiyasi bo‘yicha xalqaro agentlik (AEXA) bilan hamkorlikni to‘xtatdi.

19-sentyabrda Rossiya, Xitoy, Jazoir va Pokiston sanksiyalar rejimini qayta tiklamaslik uchun ovoz bergan bo‘lsa-da, BMTdagi tashabbus qabul qilinmadi. Yevropa mamlakatlari fikricha, Eron yadroviy dastur bo‘yicha kelishuvni buzgani uchun unga nisbatan cheklov choralari zarur.

Eron rahbariyati esa yadroviy dastur faqat tinchlik va milliy taraqqiyot maqsadlariga xizmat qilishini ta’kidlab kelmoqda.

• Eron
• Yadroviy qurol