2025-yil 25-sentyabr kuni Isroil havo kuchlari tomonidan Yaman poytaxti Sana shahriga kuchli zarba berildi. Hujum natijasida kamida 8 nafar tinch fuqaro halok bo‘ldi, yana 142 nafar kishi turli darajada jarohat oldi. Bu haqda hukumatning husiylar (Ansor Alloh) tomonidan tuzilgan tarkibidagi Sog‘liqni saqlash vazirligi ma’lum qildi.

Rasmiy bayonotlarga ko‘ra, fuqarolik mudofaa va qutqaruv xizmatlari hozirgi vaqtda vayronalar ostida qolgan odamlarni qidirish ishlarini davom ettirmoqda.

Isroil rasmiylari bu amaliyotni husiylar tomonidan Isroilga yo‘llangan dron va raketalar hujumiga javob sifatida amalga oshirilganini ma’lum qildi. Hujum paytida husiylarga tegishli harbiy inshootlar, aloqa markazlari va qurol-aslaha omborlari nishonga olingan.

Husiylar esa bu hujumni “Tinch aholiga qarshi agressiya” sifatida baholadi va uni inson huquqlariga zid harakat deb atadi.

Zarbalar natijasida Sanadagi energetika, suv va elektr ta’minoti infratuzilmalariga jiddiy ziyon yetdi. Shaharda bir necha turar joy binolari vayron bo‘ldi, ko‘plab fuqarolar o‘z uylarini yo‘qotdi.

• Isroil
• Urush
• Yaman