SANA agentlikning xabar berishicha, sud 2011-yilda Deraada yuz bergan voqealar bilan bog‘liq ayblovlar asosida Suriyaning sobiq prezidenti Bashar Asadga nisbatan sirtdan hibsga olish orderini chiqargan. Sudyaning so‘zlariga ko‘ra, bu qaror “xalqaro ta’qiblar yo‘lini ochadi”.

2011-yilda Deraada Bashar Asad hukumatiga qarshi norozilik namoyishlari boshlangan edi. Namoyishlar keyinchalik jangarilar, muxolifat guruhlari va Suriya armiyasi o‘rtasidagi qurolli to‘qnashuvlarga aylanib ketgandi. Order Deraa voqealarida halok bo‘lganlarning qarindoshlari tomonidan berilgan da’vo asosida chiqarilgan.

Ma’lumot uchun, 2024-yil dekabrida Bashar Asad rejimi ag‘darilgandan so‘ng, sobiq prezident Suriyadan qochib, Rossiyadan siyosiy boshpana topgan edi. Kreml esa rasmiy ravishda Asad va uning oilasiga “gumanitar maqsadda” siyosiy boshpana berganini bildirgan.

• Sud
• Suriya