Bugun, 22-oktyabrga o‘tar kechasi Ugandada sodir bo‘lgan yirik yo‘l-transport hodisasi oqibatida 63 kishi halok bo‘ldi va bir necha kishi jarohat oldi. Bu haqda mamlakat Yo‘l patrul xizmati xabar berdi.

Hodisa mahalliy vaqt bilan soat 00:15 atrofida Kitaleba aholi punkti yaqinida sodir bo‘lgan. To‘qnashuvda ikki avtobus, yuk mashinasi va yo‘ltanlamas avtomobil ishtirok etgan.

Dastlabki ma’lumotlarga ko‘ra, Kampaladan Gulu tomon ketayotgan avtobus haydovchisi yuk mashinasini quvib o‘tmoqchi bo‘lgan paytda, qarama-qarshi yo‘nalishda ham bosha bir avtobus yuk mashinasini quvib o‘tmoqchi bo‘lgan. Natijada, ikkala avtobus to‘qnashgan, ortdan kelayotgan boshqa transport vositalari ham ularga urilgan.

Politsiya hodisa joyiga tezda yetib borgan va jarohatlanganlarni shifoxonasiga hamda boshqa yaqin tibbiyot muassasalariga olib borgan. Shuningdek, politsiya halok bo‘lganlarning oilalariga chuqur hamdardlik bildirgan.

• Afrika
• Avtobus
• Avtohalokat
• Uganda