“Prezident Xose Xeri telemurojaati chog‘ida poytaxt Limada favqulodda holat 30 kun davom etishini ma’lum qilgan va hukumat politsiyaga yordam berish uchun harbiylarni jalb etish hamda ommaviy yig‘ilish va harakatlanish erkinligini cheklash kabi choralarni ko‘rib chiqayotganini qo‘shimcha qilgan”, – deyiladi Associated Press xabarida.

Namoyishlar Xose Xeri prezident lavozimiga kirishganidan bir haftadan kamroq vaqt o‘tib boshlandi. U sobiq prezident Dina Boluarte shaxsiy boylik orttirish va noroziliklarni bostirish ayblovlari fonida lavozimidan chetlatilgach, qasamyod qilgan edi.

Namoyishlar asosan yosh faollar, “Z avlod” vakillari, tomonidan tashkil etilgan bo‘lib, ular hukumatdan jinoyatchilik va yuqori darajadagi korrupsiyaga qarshi faolroq choralar ko‘rishni talab qilishmoqda.

• Favqulodda holat
• Namoyish
• Poytaxt
• Prezident