Davlat soliq qo‘mitasi fuqarolar tomonidan turli huquqbuzarliklar, jumladan, chek bermaslik, tovarlar narxini oshirib yuborish, bank kartasini qabul qilishni rad etish va boshqalar to‘g‘risida kelib tushgan murojaatlar statistikasini e’lon qildi.

Soliq mobil ilovasining “Soliq hamkor” tizimi orqali 2025-yilning yanvar-sentyabr oylarida 82 857 ta (o‘tgan yilning mos davrida 72 517 ta) soliqqa oid huquqbuzarliklar to‘g‘risida murojaatlar kelib tushgan.

Shundan:

- 74 970 ta chek berilmaganligi to‘g‘risidagi murojaat;

- 3 001 ta plastik kartani to‘lovga qabul qilishni rad etish to‘g‘risidagi murojaat;

- Plastik karta orqali to‘lov amalga oshirilganda tovar narxining oshirilishi to‘g‘risida 184 ta murojaat;

- 4 702 ta boshqa turdagi huquqbuzarliklar bo‘yicha murojaatlar.

Shu bilan birga, takroriy yoki shikoyat kelib tushgan tadbirkorlik subyektiga nisbatan tekshiruv o‘tkazilayotgan 41 702 ta murojaat rad etilgan.

Murojaatlar asosida 34 196 ta sayyor soliq tekshiruvlari o‘tkazilib, 98,8 foiz holatda huquqbuzarliklar tasdiqlangan. Soliqqa oid huquqbuzarliklar haqida xabar bergan fuqarolarga 34 139 ta holatda 24,1 mlrd so‘m miqdorida (undirilgan jarima summasining 20 foizi) mukofot pullari to‘lab berilgan.

• Huquqbuzarlik
• Murojaat
• Soliq