“Hududgaz Farg‘ona” GTF komplayens nazorat tuzilmalari, tuman gaz ta’minoti bo‘limi va “O‘zenergoinspeksiya” xodimlari ishtirokida Farg‘ona tumanida tabiiy gazdan noqonuniy foydalanish holatlarini aniqlashga qaratilgan nazorat tadbirlari o‘tkazildi.

Xususan, tumanning “Mindon” MFY Chashma ko‘chasida joylashgan “O.” nomli umumiy ovqatlanish maskanida tabiiy gazdan foydalanish holati o‘rganilganda, iste’molchi gaz tarmog‘iga hech qanday hujjat va ruxsatlarsiz ulanib, “zangori olov”dan qonunga zid ravishda foydalanib kelayotgani aniqlangan. Bu haqda Energetika vazirligi Telegram sahifasida xabar berildi.

Holat bo‘yicha tegishli tartibda dalolatnoma tuzildi va tabiiy gaz hajmlari qayta hisoblandi. Dastlabki hisob-kitoblarga ko‘ra, 2 milliard 108 million so‘m zarar keltirilgani ma’lum bo‘lgan.

Vaziyatga oid barcha hujjatlar huquqni muhofaza qiluvchi organlarga yuborilgan.

• Farg‘ona
• Gaz