Turkiya va O‘zbekiston Ichki ishlar vazirliklari hamkorligida o‘tkazilgan kompleks tezkor-qidiruv tadbirlari natijasida, ilgari bir qator kiberfiribgarlik jinoyatlarini sodir etib, 10 nafardan ortiq yurtdoshlarimizning mablag‘larini o‘zlashtirib ketganlikda ayblanib qidiruvda bo‘lgan fuqaro: Zohirjonov Umid Dilshod o‘g‘li (2005-yilda tug‘ilgan.) O‘zbekiston Respublikasi hududiga deportatsiya qilindi.

Ushbu shaxsning noqonuniy xatti-harakatlari oqibatida jabrlangan fuqarolardan O‘zbekiston Respublikasi Ichki ishlar vazirligiga yoki uning hududiy bo‘linmalariga, shuningdek O‘zbekistonning Istanbul shahridagi Bosh konsulxonasiga murojaat qilishlari so‘raladi.

“Jinoiy javobgarlikdan qochib xorijiy davlatlarda, jumladan Turkiyada yashiringan har bir shaxsga nisbatan jinoiy ta’qib izchil davom ettiriladi va “jinoyat uchun javobgarlik” tamoyili qat’iy ta’minlanadi”, – deyiladi Istanbul Bosh konsulxonasi xabarida.

• Deportatsiya
• Kiberxavfsizlik
• Turkiya