Toshkent aeroportida elektr ta’minotida kichik uzilish yuz berdi. Bu haqda “Uzbekistan Airports” o‘zining rasmiy sahifasida ma’lum qildi. 

Bildirilishicha, elektr uzilishi bugun, 6-yanvar mahalliy vaqt bilan soat 02:28 da Qo‘yliq podstansiyasidagi kichik nosozlik tufayli sodir bo‘lgan. Xabarda uzilish samolyotlarning uchishi va qo‘nishiga ta’sir qilmagani va barcha xizmatlar odatiy rejimda faoliyat olib borayotgani aytilgan.

Ma’lum qilinishicha, ketish va kelish zallari zaxira dizel generatorlar va UPS yordamida elektr energiyasi bilan ta’minlangan. Soat 02:49 ga kelib elektr energiyasi to‘liq tiklangan.

• Aeroport
• Toshkent
• elektr