Krishtianu Ronaldu 2025-yilgi dunyoning eng ko‘p daromad topgan sportchilari reytingida birinchi o‘rinni egalladi. Bu haqda Sportico nashri xabar bermoqda.

Manbaga ko‘ra, 40 yoshli portugaliyalik futbolchining yillik umumiy daromadi 260 mln AQSh dollarini tashkil etgan. Ronalduga mazkur mablag‘ning 200 mln dollar Saudiya Arabistonining “Al-Nasr” klubidagi maoshi, qolgan 60 millioni esa homiylik shartnomalari, reklama bitimlari va maydondan tashqaridagi boshqa loyihalardan tushgan.

Meksikalik bokschi Saul Alvares 137 million dollar daromad bilan ushbu ro‘yxatda ikkinchi pog‘onadan joy olgan. U 125 mln dollarni janglardan, qolgan 12 mln dollar esa homiylik kelishuvlaridan topilgan.

Argentina terma jamoasi futbolchisi Lionel Messi esa 130 million dollar daromad bilan 3-o‘rinni egallab, kuchli uchlikni yakunlab berdi. Messi “Inter Mayami”dagi maoshidan 60 mln dollari, homiylik va tijorat loyihalaridan esa 70 mln dollari daromad olgan.

Sportico ma’lumotlariga ko‘ra, 2025-yilda eng ko‘p maosh olgan 10 sportchi:

Krishtianu Ronaldu (futbol, “Al-Nasr” ) – 260 mln dollar;

Saul Alvares (boks) – 137 mln dollari;

Lionel Messi (futbol, “Inter Mayami” ) – 130 mln dollari;

Xuan Soto (beysbol, “Mets”) – 129,2 mln dollari;

Lebron Jeyms (basketbol, “Lakers”) – 128,7 mln dollar;

Karim Benzema (futbol, “Al Ittihod”) – 115 mln dollar;

Stiven Karri (basketbol, “Golden State”) – 105,4 mln dollar;

Syoxey Otani (beysbol, “Dodgers”) – 102,5 mln dollari;

Kevin Dyurant (basketbol) – 102,5 mln dollar;

Jon Ram (golf) – 100,7 mln dollar.

• Futbol
• Maosh
• Messi
• Ronaldu