Rossiya hukumatning qonun loyihalari bo‘yicha komissiyasi 9-fevral kuni Moliya vazirligi tomonidan ishlab chiqilgan chora-tadbirlar paketini ma’qulladi.

Agar ushbu paket tasdiqlansa, Federal soliq xizmati tizimida migrantning daromad ma’lumotlari mavjud bo‘lmasa yoki daromadi yashash minimumidan past bo‘lsa, patent berish yoki uzaytirish rad etiladi.

Shuningdek, patent egasi hisobot yilida Rossiyada o‘n oy yoki undan kam ishlagan bo‘lsa, patent uzaytirilmaydi.

Rossiya Advokatlar assotsiatsiyasi boshqaruv raisi Vladimir Gruzdevning aytishicha, ushbu me’yor vaqtinchalik yashash ruxsatnomasi va doimiy yashash ruxsatnomalarini bekor qilishga ham asos bo‘ladi.

Cheklovlar, umumiy daromadi qaramog‘idagi shaxslar hisobiga belgilangan yashash minimumidan past bo‘lgan migrantlarga taalluqli bo‘ladi. Hisob-kitob uchun mintaqaviy koeffitsiyentni o‘z ichiga olgan maxsus formula qo‘llaniladi.

• Rossiya
• migrant