O‘zbekistonlik shaxmat ustasi Nodirbek Abdusattorov Germaniyaning Vayzenxaus shahrida bo‘lib o‘tayotgan fristayl bo‘yicha Jahon chempionatining 1/2 final bosqichiga chiqdi.

Kecha, 13-fevral kuni musobaqaning saralash bahslari yakunlandi. Unda 8 nafar shaxmatchi ishtirok etdi. 7 tur natijasiga ko‘ra, Abdusattorov 4 ochko to‘plab, kuchli to‘rtlikka kirdi va yarim finalga yo‘llanmasiga ega bo‘ldi. 

Yana bir O‘zbekiston vakili Javohir Sindorov esa 3 ochko bilan 7-o‘rinni egallab, musobaqada bosh sovrini uchun kurashdan chiqdi.

Bugun Abdusattorov yarim finalda norvegiyalik Magnus Karlsenga qarshi bahs olib boradi. Ikkinchi yarim final bahsida esa Vinsent Keymer va Fabiano Karuana o‘zaro bellashadi. Musobaqa finali 15-fevral kuni bo‘lib o‘tadi.

• Jahon chempionati
• Nodirbek Abdusattorov
• Shaxmat