Reuters xabariga ko‘ra, AQSh prezidenti Donald Tramp federal idoralarga o‘zga sayyoraliklar, noma’lum uchar jismlar va hodisalar bilan bog‘liq hukumat fayllarini oshkor qilishni buyurdi.

Tramp bu masalaga jamoatchilikning qiziqishi yuqori ekanini ta’kidladi. Shu sababli 20-fevral kuni Pentagon rahbari Pit Hegset va boshqa idoralarga bu ma’lumotlarni e’lon qilishni buyurdi.

Bundan oldin esa Oq uy rahbari sobiq prezident Barak Obamani o‘zga sayyoraliklar haqida omma oldida gapirib, maxfiy ma’lumotlarni ochiqlaganlikda aybladi. U bunga hech qanday dalil keltirmadi va Obama “katta xato qilgani”ni aytdi. 

Avvalroq, 14-fevral kuni AQSh sobiq prezidenti Barak Obama podkastda o‘zga sayyoraliklar mavjudligi ehtimoliga munosabat bildirgan edi. U o‘zga sayyoraliklarni ko‘rmaganini va ular “51-hudud”da saqlanmasligini aytgan. Shuningdek, Obama o‘zga sayyoraliklar mavjudligiga ishonishini va ular bilan masofa sabab aloqaga chiqolmaganini bildirgan.

• AQSh
• Tramp