AQShning Iordaniyadagi harbiy bazasida samolyotlar soni keskin oshdi. Tasvirlar 20-fevral kuni sun’iy yo‘ldoshdan olingan. Ma’lumotlarga ko‘ra, AQSh aviatsiya guruhining joylashtirilishi Muvaffaq Salti harbiy bazasida qayd etilgan.

“Iordaniya markazidagi baza AQSh harbiylari tomonidan Eronga ehtimoliy zarbalarni rejalashtirishning asosiy markaziga aylandi”, – deya xabar bergan “The New York Times”. Sun’iy yo‘ldosh tasvirlarida 60 dan ortiq samolyotni ko‘rish mumkin. Bu ko‘rsatkich ushbu obyektdagi odatiy mavjudlikdan deyarli uch baravar ko‘p. Bundan tashqari, parvozlarni kuzatish ma’lumotlari tahlili shuni ko‘rsatadiki, 15-fevraldan beri bazaga kamida 68 ta transport samolyoti qo‘ngan. Suratlarda, shuningdek, zamonaviy F-35 qiruvchi samolyotlari, bir nechta uchuvchisiz uchish apparatlari, vertolyotlar va yangi havo mudofaasi tizimlari ko‘rsatilgan.

Iordaniya rasmiylari esa uskunalarni joylashtirish Vashington bilan ikki tomonlama mudofaa kelishuvi doirasida amalga oshirilayotganini bildirgan. 

• AQSh
• Eron
• Iordaniya
• Samolyot