“O‘zbekiston Bosh konsulxonasiga Rostov viloyati Bataysk shahrida yashovchi hamyurtimiz B.Y. uyida yong‘in chiqishi oqibatida voyaga yetmagan nabirasi X.A. halok bo‘lgani va uni vatanga qaytarishda yordam so‘rab murojaat qilgan”, – deb xabar qilmoqda “Dunyo” agentligi.

Aniqlanishicha, murojaat qilgan fuqaro Rostov viloyatidagi qurilish obyektlarida mehnat faoliyatini amalga oshirib kelgan. Ushbu baxtsiz hodisa oqibatida nabirasining barcha hujjatlari yonib ketgan. Natijada, nabirasining hujjatlarini rasmiylashtirish hamda jasadni O‘zbekistonga qaytarishda Rossiya tomoni bilan muammo paydo bo‘lgan.

Bosh konsulxona mazkur holat yuzasidan zudlik bilan Rossiyaning vakolatli tibbiyot birlashmalari bilan muzokara olib borib, voyaga yetmagan fuqaroning jasadini vatanga tezkorlik bilan qaytarish chora-tadbirlarini amalga oshirgan.

Murojaatchi fuqaro nomiga Bosh konsulxona tomonidan vatanga qaytish guvohnomasi rasmiylashtirilib, Migratsiya agentligi jamg‘armasi hisobidan X.A.ning jasadi “Uzbekistan Airways” kompaniyasining Krasnodar­­-Toshkent yo‘nalishi orqali vatanga qaytarilgan.

• Migratsiya
• O‘zbekistonlik
• Rossiya
• fuqaro