Davlat xavfsizlik xizmatining Surxondaryo va Farg‘ona viloyatlari bo‘yicha boshqarmalari xodimlari hamkorligida Farg‘ona shahrida o‘tkazilgan tezkor tadbirda, 1989-yilda tug‘ilgan mahalliy fuqaroga tegishli sumka xolislar ishtirokida tekshirib ko‘rilganda, uning ichida 5 bo‘lakdan iborat jami 4 kg 463 gr “gashish” moddasi borligi aniqlanib, ashyoviy dalil sifatida olingan.

Shuningdek, ushbu noqonuniy ishga aloqador bo‘lgan, uning 1990-yilda tug‘ilgan, muqaddam giyohvandlik vositalari bilan bog‘liq jinoyati uchun sudlangan ukasi ham protsessual tartibda ushlanadi.

Aniqlanishicha, aka-ukalar Afg‘onistondan kontrabanda qilingan ushbu narkotik moddani Farg‘ona viloyatida sotishni rejalashtirishgan.

Hozirda ularga nisbatan Jinoyat Kodeksining 246-moddasi 2-qismi va 25,273-moddasi 5-qismi bilan jinoyat ishi qo‘zg‘atilib, “qamoq” ehtiyot chorasi qo‘llanilgan.

• Afg‘oniston
• DXX
• Farg‘ona
• Jinoyat