Pavel Durov Telegram asoschisi WhatsApp’ni keskin tanqid qilib, messenjer foydalanuvchilarni chalg‘itishi va ma’lumotlar xavfsizligi borasida savollar mavjudligini bildirgan.

Uning aytishicha, WhatsApp milliardlab foydalanuvchilarni “eng katta iste’molchilarni aldash holatlaridan biri”ga duchor qilayotgan bo‘lishi mumkin. Durov, shuningdek, Telegram hech qachon foydalanuvchi xabarlarini o‘qimasligini ta’kidlagan.

Bunga javoban WhatsApp vakillari X platformasida bayonot berib, messenjerda sukut bo‘yicha to‘liq shifrlash (end-to-end encryption) qo‘llanilishini ma’lum qildi. Ularning ta’kidlashicha, shaxsiy va guruhli xabarlar, qo‘ng‘iroqlar hamda zaxira nusxalar ham himoyalangan.

Shu bilan birga, texnologiya olamida X kompaniyasining iOS uchun yangi XChat ilovasini ishga tushirishga tayyorlanayotgani ham muhokama qilinmoqda.