4 ёшли қизча бувисига ёрдам чақиртириш учун олис йўл босиб ўтди

Ажабтовур воқеалар 12-03-2017

Россиянинг Тува республикасида яшовчи 4 ёшли қизча бувисига ёрдам чақиртириш учун ўзининг ҳаётини хавфга қўйиб, тайга бўйлаб 4 соат ичида 8 километр йўл босиб ўтди. Бу ҳақда 11 март куни Россия фавқулодда вазиятлар вазирлигининг республика бўйича бошқармаси ходимига иқтибос келтирган ҳолда FlashSiberia нашри хабар берди.   

Маълумотларга кўра, февраль ойи охирида бувиси ва кўзи ожиз буваси билан яшаган Салгана Салчак бувиси қимирламаётганини пайқаб қолган. У бу ҳақда бувасига айтган, бироқ кекса буваси рафиқасига ёрдам бера олмаган ва набирасини қўшниларга ёрдам чақиртириш учун юборган.  

Салгана қаттиқ совуққа қарамай, чўпонлар тўхтаган жойга етиб бориб, бувисига ёрдам чақиртира олган. Бироқ шифокорлар ва қўшнилар етиб келгунча қизчанинг бувиси вафот этиб бўлган. 

ФВВ вакилининг айтишича, қизчани мукофотга тақдим қилишмоқчи. Айни вақтда у шифохонада даволанмоқда.

Февралда Воронеж вилоятида 5 ёшли қизча укаси ва синглисини ёнғин вақтида қутқариб қолган. 19 февраль кундузи юз берган ёнғин вақтида қизчанинг отаси ишда, онаси эса ҳовлида молларга овқат бераётган бўлган. Қизча ёнаётган уй ичидан уч ёшли укасини ва бир ёшли синглисини қўлда ушлаганча олиб чиққан.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ